Tiranë, 30 korrik 2014, NOA.al – Një konflikt banal mes prindit dhe fëmijës ka nxitur gjakrat dhe ka bërë që i biri 25-vjeçar të rrëmbejë një mjet të mprehtë të qëllojë të atin.

Më pas, vëllai i tij, i cili ndodhej në vendngjarje, duke parë të atin të shtrirë në tokë, ka qëlluar vëllain me një gur në kokë.

Burimet e NOA.al informojnë se ngjarja ka ndodhur disa minuta më parë në sheshin “Karl Topia” në Tiranë. Ata thanë se si pasojë e konfliktit familjar kanë ngelur dy persona të plagosur, babai 55 vjecar dhe i biri 25 vjeç.

Babë e bir janë dërguar me urgjencë për në Spitalin e Traumës në kryeqytet.

Nga hetimet e para dyshohet se ngjarja erdhi pas nje grindjeje familjare per shpenzimet qe beheshin, ku babai shfaqte ankesa. /k.k/a.s/noa.al

Komentoni mbi këtë lajm më poshtë. Nëse keni diçka për të raportuar mbi këtë temë, na shkruani tek [email protected]