Alexis Sanchez është kthyer në një objektiv real për merkaton e ardhshme të Juventusit, aq sa në mediat italiane po përflitet se do të jetë pikërisht sulmuesi kilian i Barcelonës objejktivi numër 1i bardhezinjëve për merkaton e verës.

Por pavarësisht këtyre zërave drejtori i përgjithshëm i torinezëve, Beppe Marotta edhe pse nuk përgjenjeshtron asgjë nuk dëshiron të flasë për emra konkretë.

“Ne nuk jemi mësuar të përgënjeshtrojmë, pasi që nga ky moment e deri në fund të merkatos do të përfliten shumë emra, megjithatë nuk më duket diçka e respektueshme të flas konkretisht për ta.

Sigurisht po flitet për një futbollist të rëndësishëm që u transferua nga Udineze te Barcelona për një vlerë shumë të lartë.

Sanchez ka shumë cilësi, gjithsesi ai është një futbollist i Barçës dhe nuk dua të shtoj asgjë tjetër në lidhje me këtë temë”.

Më tej Marotta u përqëndrua te loja që zhvillon Juventusi aktualisht.

“Loja që zhvillon skuadra nën drejtimin e Contes është jazhtëzakonisht sulmuese. Ne jemi një ekip i zgjuar dhe në disa raste tregohemi cinikë pasi kjo gjë është shumë e rëndësishme në futboll për të marrë rezultat”.

I pyetur për të ardhmen e Antonio Contes, Marotta tha.“Kemi folur shumë herë në lidhje me këtë temë. Momentalisht jemi të përqendruar që ta mbyllim sa më mirë sezonin pasi në lojë janë objektiva të rëndësishëm”.