Çaste terrori për një shtetas serb të Kosovës, pasi në mes të rrugës është grabitur me dhunë.

Autori, ishte një tjetër serb, shtetas i Kosovës. Ai është arrestuar pak orë pas ngjarjes, raporton korrespondenti i noa.al.

Ngjarja ndodhi dje në mëngjes në ora 08:20 në rrugën “Lola Ribar”, në Mitrovicë.

Serbi ishte duke ecur, pasi kishte dalë nga shtëpia, kur befas u përball me një tjetër serb i cili në mënyrë të dhunshme i ka marrë një zinxhir ari, duke ia shkulur nga qafa.

Menjëherë më pas, agresori është larguar. Viktima i plaçkitjes kërkoi ndihmën e Policisë së Kosovës. Pak orë më vonë, i dyshuari u arrestua dhe me urdhër të prokurorit është dërguar në mbajtje në kushte paraburgimi. /a.b/noa.al/