Elbasan, 8 Prill 2014 NOA.al – Persona ende të panjohur kanë zgjedhur vendgrumbullimin e mbeturinave për të hedhur një sasi të konsiderueshme predhash të ndryshme dhe djegore.

Konstatimi i lëndëve plasëse ka alarmuar banorët e fshatit Katund i Ri në Elbasan të cilët njoftuan policinë ndërsa mbajtën vetë të rrethuar vendin për të mos lejuar afrimin e fëmijëve në zonën  e rrezikut.

Forca të shumta policia mbërritën në fshatin Katund i Ri dhe morën masat për të siguruar vendin në të cilën u gjetën këto predha.

Për disa orë gjatë ditës së djeshme policia ka ushtruar kontroll në të gjithë zonën përreth për të mbledhur predhat e artilerisë.

Ndërkohë që janë mbledhur 50 predha të ndryshme dhe një sasi djegoresh të cilat u transportuan në Tiranë për të bërë çaktivizimin e tyre.

Policia e Elbasanit tha për noa.al se ka nisur hetimet për të identifikuar personin që ka hedhur predhat. /k.k/noa.al/