Elbasan, 25 shkurt 2014, NOA.al-  Pothuajse të gjithë kanë një faqe në rrjetin social Facebook, por duhet të keni kujdes kur e hapni atë, në qendra të ndryshme interneti.

Duhet të jeni të vëmendshme, të siguroheni se e keni mbyllur faqen kur largoheni, sepse një gabim i juaji mund t’ju kushtojë rëndë tek miqtë tuaj, apo të njohurit që keni në Facebook.

Dikush mund ta shfrytëzojë dhe t’ju krijojë mjaft probleme, siç ka ndodhur edhe në qytetin e Elbasanit.

Blutë e këtij qyteti kanë nisur procedimin penal ndaj shtetasit me inicialet F.SH banues në lagjen “5 Maji” në Elbasan, sepse ka ndërhyrë në faqen e Facebook të shtetasit  I.K  37 vjeç, banues në lagjen “Aqif Pasha”, në Elbasan.

Gjatë ndërhyrjes në faqen e 37 vjeçarit, shtetasi F.SH ka bërë komente të ndryshme duke fyer dhe ofenduar persona të ndryshëm në emër të tij. /e.gj/noa.al/