Tiranë 24 shkurt 2014, NOA.al-  Ka nisur me aksidentet dita e sotme. Dy persona janë plagosur rëndë në orët e para të mëngjesit në aksin rrugor Tiranë-Durrës, pasi u përplasën nga një automjet.

Sipas policisë ngjarja ka ndodhur rreth orës 08:00 në kilometrin e 12-të të autostradës, ku një automjet tip Benz me targë DR7253C, ka përplasur dy kalimtarë.

Drejtuesi i mjetit që shkaktoi aksidentin i ka transportuar menjëherë të plagosurit në spitalin ushtarak në Tiranë, ku po marrin ndihmën e nevojshme mjekësore.

Policia e mbërritur në vendngjarje ka nisur hetimet për zbardhjen e shkaqeve të aksidentit.  /e.gj/noa.al/