Në shtëpinë e Bekim Birinxhikut, kandidatit të AAK për Asamblenë Komunale të Skënderajt që u vra sot në ditën e heshtjes elektorale, ka mbërritur kryetari i kësaj partie, ish kryeministri Ramush Haradinaj.

Z.Haradinaj iu ka shprehur ngushëllime familjarëve të Bekimit dhe u ka bërë thirrje të mos nguten, por të presin veprimet e organeve të drejtësisë.

"Ju duhet ta shikoni jetën përpara dhe të mos nguteni për asgjë", ka thënë Haradinaj në odën e familjes Birinxhiku.

Haradinaj ka thënë se më së miri i kupton ai dhimbjet e Familjes Birinxhiku sepse raste të tilla i kanë ndodhur edhe atij.

"S’ka dhimbje më të madhe se sa të humbësh familjarin", ka thënë Haradinaj.