Tiranë, 28 gusht 2013, NOA.al – Një person ka ndërruar jetë në Tiranë, pasi është goditur për vdekje me një grusht.

Ngjarja ndodhi paraditen e sotme në zonën e lagjes “Ali Demi”.

Viktima është shtetasi Gëzim Karaj, 60 vjeç.

Policia bëri të ditur se Karaj është goditur me grusht nga 30-vjeçari Artenc Shehu dhe ka ndërruar jetë gjatë kohës që transportohej për në spital.

Policia ka shkuar në vendngjarje dhe ka nisur hetimet. Dyshohet se sherri ka nisur për gërvishtjen e makinës së një femre. Artenc Shehu, i dashuri i drejtueses së makinës, është  konfliktuar me 60-vjeçarin dhe e ka qëlluar atë. Policia ka arritur të arrestojë autorin e dyshuar brenda pak minutave nga momenti i krimit të çastit. /a.k/noa.al/