Tiranë, 2 gusht 2013, NOA.al- Bashkia e Tiranës ka reaguar ndaj deklaratave të Partisë Socialiste, nëpërmjet Artan Lames.

Zëdhënësja e bashksië, Anila Bisha deklaroi se bashkë projektuesi i betonizimit dhe i shkatërrimit të mijëra metrave katrorë hapësira të gjelbra të zhdukura për 11 vite nëpërmjet aferave korruptive akuzoi sot Bashkinë e Tiranës.

“Siç i hëngrën këto mijëra metra katrorë  hapësira të gjelbra dhe i kthyen në përfitime të majme sot po hanë turpin me bukë duke hedhur akuza të pabaza ndaj Bashkisë. Ata që për 11 vjet për interesa personale lanë Tiranën pa një plan urbanistik duke lejuar zhvillim klientelist  kanë kurajon të flasin dhe akuzojnë sot Bashkinë e Tiranës. Tirana ka sot planin e saj urbanistik mbi të cilin do të zhvillohet qyteti, të hartuar me ekspertizën më të mirë vendase dhe të huaj dhe miratuar me  konsensusin më të gjerë të mundshëm”, u shpreh Bisha, citon Noa.al.

Sipas saj, sot Tirana nuk udhëhiqet nga interesat e Ramës por nga interesi i qytetarëve të saj. /a.y/noa.al/

Lame: Nuk legalizojmë asgjë të kundraligjshme në bregdet