Ancelotti u përball me të kaluarën e tij më të afërt në miqësoren mes Realit të Madridit dhe Paris Sent Zhermen. Përballeshin dy nga skuadrat më të pasura të futbollit europian, ku përballë njëri tjetrit ishin dy sulmues me famë botërore si Ronaldo dhe Ibrahimovic por në fund sfida më interesante rezultoi ajo mes Ronaldos dhe Sirigu.

Duel i egër por i fituar në realitet nga italiani që kufizoi dëmet në një sfidë që përfundoi 1-0 për spanjollët falë golit të Karim Benzema.

Një fitore që i qëndron llogjikës, pavarësisht dy javëve më pak përgatitje në këmbët e futbollistëve të Realit, që ishin të aftë t’i rezistonin euforisë fillestare të skuadrës së Laurent Blanc, duke marrë frenat e lojës në pjesën e dytë, transmeton Supersport.