Prishtinë, NOA.al –  Kryeministri i Kosovës, Hashim Thaçi ka marrë vendim për ndarjen e mjeteve prej 700 mijë eurosh për ekipin negciator, megjithëse negociatat tani janë në fund. Sipas vendimit të Thaçit, ekipi negociator bashkë me të gjithë anëtarët e tjerë për në Bruksel, do të kenë këto mjete në dispozicion për mbulimin e harxhimeve. 

Në vendimin e fundit të qeverisë që është marrë në mbledhjen e 3 korrikut të këtij viti thuhet se “ndahen mjete financiare në vlerë prej 700,000.00 euro për mbulimin e shpenzimeve për të gjithë përfaqësuesit e Zyrës së Kryeministrit dhe të ministrive që marrin pjesë në delegacionet e bisedimeve”, raporton korrespondentja e Noa.al.

Mjetet e ndara pritet që të shpenzohen për bileta, për akomodim, si dhe për mbështetje që zyrtarët qeveritarë i marrin në momentin që udhëtojnë zyrtarisht.

Ndërkaq, Qeveria e Kosovës asnjëherë nuk ka bërë publike shpenzimet e negociatorëve të cilët kanë marrë pjesë në takimet e Brukselit, megjithëse bisedimet kishin filluar dy vjet e gjysmë më parë./t.k./o.k/noa.al/