Tiranë, NOA.al – Turisti çek që humbi gjatë ditës së diel në malin e Jezercës, Alpet shqiptare, u gjet nga forcat e ushtrisë sot në mëngjes, kur rinisën kërkimet me helikopter.

Noa.al  mësoi se gjendja e tij është e mirë, veç frakturës në  njërën këmbë.

Kërkimet  për gjetjen e turistit të plagosur nisën që mbrëmjen e kaluar, por u ndërprenë me ardhjen e natës dhe rinisën sot në mëngjes me helikopterë, duke  evidentuar vendin ku kishte kaluar natën.

“Ngjarja e rëndë ndodhi pasditen e së dielës kur turisti çek rrëshqiti nga një lartësi e malit duke thyer njërën nga këmbët.  Megjithë përpjekjet për t’i ardhur në ndihmë menjëherë, mbrëmë nuk u arrit të  saktësohej vendi ku kishte rënë, çka ndodhi sot në mëngjes përmes ndërhyrjes së helikopterëve”, pohojnë burime zyrtare të policisë lokale.

Tashmë  turisti çek përmes helikopterit  po  dërgohet drejt Tiranës  për të marrë ndihmën e nevojshme  shëndetësore, ndërsa  bëhet e ditur se nuk ka ndonjë rrezik për jetën.o.k/noa.al

Rrëzohet një turist çek në Jezercë, ndërpriten kërkimet nga ajri