Shakira dhe ish-i dashuri i saj, Antonio de la Rua do të përballen në gjyq, mbi pretendimin e argjentinasit se i takon një pjesë e pasurisë së këngëtares, konkretisht  250 milionë dollarë, për shërbimet e kryera për llogari të këngëtares gjatë periudhës në të cilën ishin bashkë, vitet 2000-2010.

Sipas revistës amerikane “TMZ”, kolumbiania po përgatitet që të sfidojë ish-tw dashurin e saj, njëkohësisht djalin e ish-presidentit të Argjentinës, me vetë fjalët e tij. Shakira, nënë e një djali me futbollistin e Barcelonës, Pique, ka nxjerrë nga arkivat e saj disa mesazhe elektronike të komunikimit me de la Ruan, tekste në të cilat, sipas saj, vërtetohet se pretendimi i tij për pjesën e pasurisë është i bazuar mbi disa fakte të rreme.

Ndonëse asnjëherë ligjërisht të martuar dhe si rrjedhojë pa detyrimin ligjor për të ndarë pasurinë, de la Rua pretendon se gjatë dekadës që ishte partneri i këngëtares ka shërbyer si përfaqësues i interesave të saj dhe këshilltar, detyra për të cilat nuk është paguar kurrë.

Sipas argjentinasit, midis tij dhe Shakirës ekziston një marrëveshje gojore e vitit 2004, që i jep atij 250 milionë dollarë nga pasuria e këngëtares. O.k/noa.al