Shkup, 11 prill 2013, NOA.al- Komisioni Shtetëror i Zgjedhjeve në Maqedoni ka hedhur poshtë të gjitha ankesat e VMRO-DPMNE për parregullsi gjatë zgjedhjeve në komunën e Kumanovës.

Kundërshtimi i fitores së kandidatit të opozitës maqedonase të LSDM, Zoran Damjanovski nuk është pranuar, duke deklaruar kështu fitoren e tij dhe rrëzimin e pretendimeve të kundërta.

KSHZ i cilësoi si të pabaza argumentet për parregullsitë në Kumanovë dhe veçanërisht në zonat ku votuan shqiptarët.

Pas kësaj KSHZ pritet të shpallë zyrtarisht fitues për mandatin 4-vjeçar Zoran Damjanovskin.a.y/noa.al