Një mrekulli e Krishtlindjeve. Kështu e kanë cilësuar të zotët e shtëpisë, kthimin e qenit të tyre me emrin Abby, i cili kishte humbur në një stuhi dëbore dhe rezultonte i humbur që nga data 13 dhjetor.

Ajo çka e bën të veçantë këtë lajm i cili mbërrin nga Alaska, është pikërisht fakti, se qeni ishte i verbër, e megjithatë, ai ka arritur të bashkohet me familjen e tij.

Duke sfiduar stuhinë, temperaturat ngrirëse të Alaskës dhe duke ecur në këmbë për më shumë se 15 kilometra.

Gjithçka nisi më 13 dhjetor, kur në Fairbanks, të Alaskas, kishte nisur ​​një stuhi dëbore. Dhe qeni nuk u kthye në shtëpi, edhe pse termometri filloi të shënojë më pak se 40 gradë.

Ndërkohë, Abby kishte humbur në një largësi prej 16 kilometrash. Ndërkaq, ai u gjend nga një familje, në gjendje thjesht të ngrirë.

“E gjeta për fat, në gjendje të mirë. Dhe arrita ta kuptoj se ai i përkiste një familje që kishte vënë foton e tij në Facebook dhe e kërkonte prej ditësh”, citon personi që e gjeti atë.

Duke shpjeguar sesi po me anë të Facebook-ut, mundësoi kontaktin me familjen që i përkiste qenit të verbër dhe ta dorëzonte pranë saj.

e.t/noa