Atmosfera e festave të fundvitit u ndie shumë e ngrohtë edhe në Pediatrinë e Qendrës Spitalore Universitare “Nënën Tereza”. Pacientët e vegjël kanë lënë për disa orë shtratin e spitalit dhe i janë bashkuar shfaqjes së mrekullueshme të teatrit të kukullave dhe numrave të shpejtësisë që ka sjellë iluzionisti për fëmijët.

Tashmë e kthyer në traditë komapania Vodafone Albania në bashkëpunim me shoqatën Together For Life kanë risjellë buzëqeshjen dhe harenë e fëmijëve në Pediatri.

Fëmijët e disa pavioneve në Pediatri si pavioni i Alergologjisë, i Diabetit dhe sëmundjeve të tjera u mblodhën në sallën e madhe të Pediatrisë për të kaluar një ditë ndryshe nga të tjerat në spital.

Fëmijët u kënaqën shumë dhe së bashku me ta u bashkuan edhe infermieret dhe mjekët e pediatrisë të cilët nuk u shkëputën asnjë moment nga shfaqja. Madje ata theksuan se këto aktivitete janë shumë pozitive për fëmijët pasi i ndihmojnë ata që të shkëputen nga rutina e mjekimit qoftë edhe për disa orë duke i përfshirë emocionalisht në aktivitetet argëtuese.

Babagjyshi i Vitit të Ri ka shpërndarë lodrat e tyre të preferuara duke e shtuar edhe më shumë gëzimin fëmijëve të sëmurë.

Ndërkohë edhe fëmijët dhe prindërit e tyre falenderuan kompaninë Vodafonë Albania për këto aktivitete që ofrojnë ëpr fëmijët e sëmurë dhe bëjnë apel që aktivitete të tillë të përsëriten sërish.

Kompania Vodafone Albania në bashkëpunim me shoqatën “Together For Life” vitin e kaluar realizuan një ambjent argëtues për fëmijët, të kompletuar me bibloteke të pasur dhe me shumë lodra ku fëmijët të kalojnë kohën e lirë.

Gjithashtu gjatë gjithë vitit janë mbështetur disa aktivitete argëtuese për fëmijët e sëmurë në Pediatri.