Tiranë, 22 dhjetor 2012, NOA- Ish i përndjekuri politik Shpëtim Karamuça ka gjetur vdekjen ditën e sotme. Kujtojmë këtu se Karamuça ishte pjesë e grevës së urisë së ish-të përndjekurve, të cilët protestuan për marrjen e dëmshpërblimit për vitet e padrejta të burgut.

Nga të dhënat paraprake dyshohet se i ndjeri ka gjetur vdekjen në moshën 74 vjeçare si rrjedhojë e komplikimeve shëndetësore.

Karamuça ka vuajtur 26 vite burg si i përndjekur politikisht për agjitacion dhe propagandë, ndërkohë që u lirua vetëm në vitin 1991.

I sëmurë dhe i diagnostifikuar me kancer në laring në vitin 2008 ai shkoi në Holandë, duke u strehuar me azil politik. Gjatë qëndrimit në Holandë ai u kurua për 7 vjet, ndërsa rreth 5 muaj më parë u kthye në Shqipëri pasi i mbaroi koah e azilit.

Që nga momenti i kthimit nga Hollanda si i pastrehë ai mbahej në shtëpi nga një tjetër ish i përndjekur politik dhe konkretisht Perikli Shqevi.

a.y/noa.al

Vdekja e Karamuçës, Rama: 26 vjet burg e së fundi një grevë urie me kancerin në trup

Berisha: Dëmshpërblimi i ish të përndjekurve, brenda 2017

Ish të përndjekurit mbyllin grevën e urisë: Fusha e betejës ka humbje dhe fitore