Elbasan, 19 dhjetor 2012, NOA- Një kambist është sulmuar nga disa persona të armatosur, të cilët pasi e kanë qëlluar me armë i kanë marrë shumën e parave që kishte me vete.

Ngjarja e rëndë ka ndodhur mëngjesin e sotëm ku Xhemal Lici 50 vjeç është grabitur sapo ka dalë nga banesa e tij.

Burime zyrtare nga policia e këtij qyteti thanë për noa.al se Lici është qëlluar me armë ndërsa i janë grabitur paratë që mbante me vete.

I dëmtuari është dërguar me urgjencë në spital, ndërsa nga ana e uniformave blu vijon puna për identifikimin dhe kapjen e autorëve të kësaj ngjarje.

a.y/noa.al