Vlorë, 13 dhjetor 2012, NOA- Një operacion i policisë së Vlorës ka bërë të mundur zbulimin e një sasie të konsiderueshme lënde narkotike dhe ndalimin e poseduesit të saj.

Gjatë një kontrollit beftë në shtëpinë e 55 vjeçarit Abedin Jazaj në Lepenicë të Vlorës, u zbuluan disa kilogramë drogë.

Siç raporton noa.al gjatë kontrollit në shtëpinë e tij, pas informacioneve të marra se kryefamiljari mbante të fshehur lëndë narkotike në banesë, u gjet dhe sekuestrua një sasi prej 6 kilogramë e 600 gramë lëndë narkotike e llojit cannabis sativa.

Menjëherë pas këtij kontrolli Jazaj u shoqërua në polici, ndërsa materialet në ngarkim të tij i kaluan Prokurorisë për veprën penale “Prodhimi dhe shitja e lëndëve  narkotike”.

a.y/noa.al