Fillimisht vizatonte nga dëshira për të realizuar piktura të veçanta, por më pas kuptoi se vizatimi ishte pasioni i tij dhe iu përkushtua maksimalisht.

Artisti sirian, Muhammad Ejleh kalon një kohë të gjatë duke vizatuar dhe realizuar punime, të cilat janë tepër të veçanta për nga mënyra e krijimit.

Ai shpenzon afërsisht rreth një orë për realizimin e një pikture tredimensionale ose 3D, e cila vizatohet thjesht me laps e me letër, raporton noa.al.

“Ky është një lloj arti që duhet parë nga një kënd i caktuar”, shprehet Muhammad.

Artisti sirian gjatë ditës kalon rreth tetë orë në studion e tij duke punuar.

20-vjeçari i cili jeton në Aleppo, Siri, është student në degën e arkitekturës dhe dëshiron të frymëzojë artistët e tjerë, të cilët preferojnë të vizatojnë njësoj si ai.

“Vizatimet nuk më marrin shumë kohë dhe përfundimi i çdo imazhi varet nga vështirësia që paraqet”, shprehet artisti.

b.gj/noa.al