Patriarku rus, Kiril vizitoi dje Bazilikën e Lindjes së Krishtit në Betlehem, në Cisjordani dhe zhvilloi bisedime me presidentin palestinez, Mahmoud Abbas, ditën e dytë të vizitës së tij në Tokën e Shenjtë.

"Patriarku zhvilloi bisedime me presidentin Abbas", bënë të ditur burime zyrtare.

Abbas e konsideroi si historike vizitën e tij. Nga ana e tij, patriarku deklaroi se kjo vizitë kishte një rëndësi të veçantë. Patriarku Kirill nisi një ditë më parë në Jerusalem një vizitë historike gjashtë ditore në Tokën e Shenjtë.  Gjatë qëndrimit të tij ai do të vizitojë vende të tjera dhe do të takohet gjithashtu me presidentin izraelit, Shimon Peres./

noa.al