Tiranë, 2 maj 2012, NOA/A.Ymeraj- Pak më parë ka nisur mbledhja e radhës e Këshillit Bashkiak, e cila që në krye të saj ka nisur me debate.

Shkak për këtë është bërë kërkesa e 20 këshilltarëve për shkarkimin e Vladimir Gjonaj nga posti i Sekretarit të Këshillit Bashkiak nga ana e mazhorancës, gjë e cila kundërshtohet nga këshilltarët socialistë.

Siç informon noa.al, kryetari i Këshillit Bashkiak Aldrin Dalipi u shpreh se shkarkimi i tij po bëhet pa asnjë bazë dhe se në vend të tij mund të emërohet një person të cilët këshilltarët nuk e njohin fare për më tepër kur nuk është përfshirë në rend dite.

Sakaq kreu i këshilltarëve demokrat Ferdinand Poni tha se shkarkimi i Gjonaj vjen si rezultat i rikonfigurimit të Këshillit Bashkiak, duke mos përmendur asnjë shkelje apo abuzim me detyrën nag ana e tij.

Në vijim të kundërshtimit mes tyre këshilltarët socialistë kanë braktisur sallën e mbledhjeve, ndërsa seanca po vijon vetëm me praninë e këshilltarëve demokratë.

Gjatë kësaj mbledhje pritet gjithashtu miratimi i vendimit që ish-ministri i Jashtëm i Italisë Franco Frattini të shpallet qytetar nderi.

a.y/noa.al