Gazetari i përket një televizioni brazilian. Ai po mbulon një raport për TV ku punon, dhe sikundër shihni në videon e mëposhtme, raporton mbi një trup njeriu të qëlluar me armë zjarri në mes të rrugës.

Gazetari pohon se burri i plagosur, ka plagë të rënda. Kurse policia megjithëse prej minutash viktima gjendet aty, nuk vjen, raporton noa.al.

Befas, ndërsa gazetari raportonte në lidhje direkte, një mashkull afrohet tek personi i plagosur dhe e qëllon atë në kokë duke dashur ndoshta të vuloste kështu vdekjen. Qitjen e bëri nga fare afër.

Kalimtarët dhe njerëzit përreth herë afrohen dhe herë largohen.

Gazetari i cili gjendej vetëm pak metra larg trupit të shtrirë, u vu në panik. Ai vrapon dhe largohet disa metra bashkë me kameramanin që nuk e fik kamerën. Kur kthehet, ai bashkë me operatorin filmojnë të riun i cili nuk ka vdekur por është i tëri në gjak.

Policia ende nuk vjen dhe gazetari raporton i shokuar.

Më në fund një ambulancë vjen ta tërheqë për në spital, ku ndoshta do t’i shpëtohet jeta.

e.t/noa.al

Shënim: Pamjet në video janë të papërshtatshme për moshat e mitura.