Tiranë, 23 shkurt 2012, NOA- Pak çaste më parë Ministria e Mbrojtjes ka bërë publike detajet e ceremonisë mortore për kapiten Feti Voglin i cili pritet të vijë në atdhe pak pas mesnate.

Siç raporton agjencia e lajmeve NOA.al, kapiten Voglit do ti bëhen të gjitha nderimet sipas protokollit të shtetit.

Kapiteni 31-vjeçar Feti Vogli u vra gjatë një sulmi të beftë në fshatin Rabot 2 të Kandaharit në Afganistan, nga një grup i policisë afgane, në një sulm ku mbetën të plagosur edhe komandoja tjetër shqiptar nëntetari Aleksandër Peci dhe një ushtarak amerikan, në një mision special patrullimi amerikano-shqiptar.

Feti Vogli dhe Aleksandër Peci ishin pjesë e kontigjentit të FA-ve “Eagle 4” në misionin paqeruajtës në Afganistan.

Detajet e ceremonisë mortore:

Ora 03:15- Pritet mbërritja e avionit që mbart trupin e të ndjerit

Ora 03:20- Trumpetat njoftojnë për daljen e arkivolit nga avioni

Ora 03:20 – 03:25- Përgatitja për fillimin e lëvizjes për tek automjetet

03:25 – 03:30 – Ecja me arkivolin mbi supet e ushtarakëve për 200 m deri tek makina e

Funeralit, vendosja e arkivolit në makinën e funeralit, pjesëmarrësit zenë vendet e tyre nëpër makina

Ora 06:45 – 10:00- Ceremonia mortore familjare

Ora 10:00 – 10:45- Lëvizja e arkivolit me trupin e të ndjerit për në Pallatin e Kongreseve

Ora 10:45 – 11:00- Vendosja e arkivolit ne vendin ku do të zhvillohen homazhet në Hollin e Pallatit të Kongreseve

Ora 11:00 – 12:15- Zhvillimi i homazheve

Ora 12:15 – 12:20- Zhvillimi i homazheve nga Ministri i Mbrojtjes dhe Shefi i Shtabit

Ora 12:25 – 12:30- Zhvillimi i homazheve nga Kryeministri

Ora 12:30 – 12:35- Zhvillimi i homazheve nga Kryetarja e Kuvendit

Ora 12:35 – 12:40- Zhvillimi i homazheve nga Presidenti

Ora 12:45 – 13:00- Zënia e vendeve për fillimin e ceremonisë mortore

Ora 13:00- Fillimi i ceremonisë zyrtare

Ora 13:00 – 13:05- Himni Kombëtar

Ora 13:05 – 13:10- Fjala e lamtumirës

Ora 13:10 – 13:11- Trompetat njoftojnë për përfundimin e ceremonisë

Ora 13:11 – 13:25- Rreshtimi i pjesëmarrësve në ceremoni për lëvizjen drejt Varrezave të Dëshmorëve të Atdheut

Ora 13:25 – 13:50- Lëvizje e kortezhit për në Varrezat e Dëshmorëve të Atdheut

Ora 13:50 – 14:00- Grumbullimi i pjesëmarrësve në ceremoninë e varrimit dhe vendosja e tyre në vendet e caktuara

Ora 14.00 – 14.07- Zhvillimi i Ceremonisë së Apelit të Fundit nga Komandanti i Batalionit të Operacioneve Speciale, Kolonel Dritan Demiri

Ora 14.07 – 14.17- Lëvizja e arkivolit të mbajtur në krahë nga grupi i ushtarakëve për në vendin e varrimit

Ora 15.00- Përfundimi i ceremonisë

Ora 15.00 – 15.30- Lëvizje për në Qendrën Kulturore të Ushtrisë

Ora 15.30- Dreka e përmortshme

a.y/NOA