Tiranë, 19 shkurt 2012, NOA – Preznatimi i Florit, djalit nga Baldushku i Tiranws ka kaluar me surpriza. Moderatorja e BB5, Arbana Osmani shprehet se është koha për të prezantuar një konkurent të ri. Ai quhet Florian, vjen nga Baldushku, është një djalë shumë i ëmbël dhe i turpshëm. Flori studion për diplomaci, por gjithashtu ka një biznes të tijin. Sonte, hyrja për të në shtëpi nuk do të jetë aq e thjeshtë.

Flori i afrohet hyrjes së shtëpisë, por dera nuk hapet. Në atë moment, pranë tij vjen një vajzë, që do t’i vijë në ndihmë. Ajo realisht është konkurente e BB, por hiqet si pjestare e stafit te produksionit. Besarda e mundon Florin me disa çelësa, duke u munduar ta vërë në siklet.

Pasi ia arrijnë qëllimit të hapin derën e BB, Besarda e Flori i bashkohen konkurrentëve të tjerë brenda shtëpisë. Albulena është një konkurrente tjetër e përzgjedhur nga Vëllai i Madh. Ajo vjen nga Prishtina, por ka jetuar kudo nëpër botë.

Pas Albulenës, radha është për një konkurrent, më një eksperiencë jetë krejt të veçantë. Ai quhet Erion, e ka jetuar që në moshën tre vjeçare në Greqi. Së fundi kthehet në Tiranë, në vendin e tij të lindjes për të filluar çdo gjë nga zero.

Ndërkohë në lojë ka hyrë dhe një konkurrent i ri. Ai quhet Armando dhe prej vitesh punon di dixhej në Gjermani.

NOA