Londër, 17 Shkurt 2012, NOA – Polaku Krzysztof Radzikowski është zgjedhur si mashkulli më i fortë në mbarë botën.

Personi në fjalë ishte në gjendje të tërhiqte një kamion, i cili peshonte 25 tonelata.

Siç raporton agjencia e lajmeve NOA.al, ai është fituesi i kampionatit botëror të “Strongman Series Championship”, finalja e së cilës u zhvillua ditën e djeshme në Abu Dhabi.

Në këtë konkurs, i cili zgjati për tre ditë me radhë janë sfiduar 25 atletë që vinin nga 20 shtete të ndryshme.

Konkurrentët kanë demonstruar forcën e tyre me prova nga më të ndryshmet, ndër të cilat ishte dhe tërheqja e një kamioni prej 26 tonelatash për 25 metër në më pak se 75 sekonda.

“Shpresoja të fitoja këtë kompeticion por asnjëherë nuk mund ta besoja që do ta arrija këtë gjë”, – kanë qenë këto fjalët e Krzysztof menjëherë pas fitores.

r.b/NOA