Tiranë, 16 shkurt 2012, NOA- Kryetari i Bashksië së Tiranës Lulzim Basha me rastin e 17 shkurtit, festës së Pavarësisë së Kosovës i ka dërguar një mesazh urimi Kryetarit të Komunës së Prishtinës Isa Mustafa.

Siç raporton NOA.al, Basha theksoi se që nga shpallja e Pavarësisë, më 17 shkurt 2008, Prishtina ka njohur një progres të admirueshëm.

Mesazhi i plotë i Lulzim Bashës:

I nderuar zoti Isa Mustafa, Kryetar i Komunës së Prishtine, që nga shpallja e Pavarësisë, më 17 shkurt 2008, Prishtina ka njohur një progres të admirueshëm.

Për mua është kënaqësi e veçantë, që në emrin tim dhe të qytetarëve të Tiranës t’ju përcjell Juve dhe përmes Jush, të gjithë popullit të Prishtinës e mbarë Kosovës, urimet më të përzemërta, në përvjetorin e  katërt të shpalljes së Pavarësisë së Republikës së Kosovës.

Që nga shpallja e Pavarësisë, më 17 shkurt 2008, Prishtina ka njohur një progres të admirueshëm. Ju, zoti Kryetar i Komunës keni arritur të implementoni standardet  europiane të qeverisjes vendore, në administrimin e kryeqytetit të Kosovës. Katër vjet pas shpalljes së Pavarësisë, ju keni instaluar një model qeverisje, i cili është shembull  në të gjithë rajonin, për respektin dhe shërbimin  ndaj pakicave dhe bashkëjetesës mes tyre.

Ndërsa vazhdoni angazhimin tuaj, për të përmirësuar sa më shumë jetën e banorëve të Prishtinës dhe në këtë ditë feste për të gjithë shqiptarët, më lejoni t’ju garantoj se tek Bashkia e Tiranës dhe unë personalisht, do të gjeni mbështetje dhe përkrahje, për të gjithë projektet tuaja.

a.y/NOA