Bulqizë, 15 shkurt 2012, NOA- Çatia e një pallati 3-katësh është shembur pak më parë në zonën e Martaneshit.

Siç informon agjencia e lajmeve NOA.al, shkak për këtë shembje është bërë sasia e madhe e dëborës e cila prej ditës kishte pushtuar pjesën e sipërme të pallatit.

Nga të dhënat paraprake mësohet se nuk ka të lënduar nga shembja e tij por se forca të shumta të grupeve të gatshme dhe të shtabit të emergjencës kanë mbërritur në vendngjarje.

Sakaq si rrjedhojë e kësaj shembje katër familje kanë ngelur të pastreha në mes të të ftohtit.

Sipas të dhënave të vazhdueshme të Ministrisë së Transportit thuhet se rrethi i Bulqizës dhe Martaneshit janë ndër rrethet më problematike dhe ku zona e fshatra të tërë vijojnë të jenë të bllokuara nga dëbora.

a.y/NOA