Xhakarta, 27 Maj, NOA - Autoritetet indoneziane kanë hapur një hetim mbi prindërit e një fëmije dy-vjeçar, i cili figuronte në një video të postuar në YouTube, ndërsa pinte për qejf një cigare.

Kjo u njoftua sot një burim ministror në Xhakarta, duke thënë se autoritetet vendase e kanë marrë shumë seriozisht analizimin e një rasti të tillë, që prish, sipas tyre moralin shoqëror dhe shëndetin e fëmijëve.

Fëmija, i identifikuar në video si Ardi Rizal, u bë duhanxhi në moshën dy-vjeçare për shkak të babait të tij, që e mësoi atë me këtë ves kur ishte vetëm 18 muajsh.

Ndërsa  shtypi indonezian shkruan sot se fëmija arrin të pijë edhe 40 cigare në ditë.

Në videon e postuar në YouTube tregohet djali, ndërsa pinte duhan në tarracën e shtëpisë së prindërve në një fshat në Sumatra.

n.e/NOA