Dubai, 5 Maj NOA - Gjykata e apelit në Dubai nuk ka dënuar një çift të këtij vendi, të cilët janë kapur duke kryer marrëdhënie seksuale, në brendësi të makinës së tyre me xhama të errësuar dhe kjo pasi u konsiderua si një pronë private.

Është bërë e ditur nga vetë gjykata se personat në fjalë ishin rregullisht të martuar, ku akuza për to, ishte për kryerjen e marrëdhënieve seksuale në ambiente publike.

Manifestimet me një karakter seksual në publik, përfshirë këtu puthjet dhe përqafimet janë të ndaluara nga Shariah, ligji i cili ekziston në Emiratet e Bashkuara Arabe.

Megjithatë Dubai konsiderohet si vendi më liberal në krahasim me 7 emiratet e tjera të kësaj Federate.

r.b/NOA