Tiranë, 22 Korrik NOA - Dita e sotme ka nisur me dominimin e një moti të kthjellët dhe të nxehtë në të gjithë territorin shqiptar.

Parashikohet se këto kushte të stabilitetit atmosferik do të vijojnë deri në orët e mesditës.

Më poshtë gjeni parashikimin e detajuar të motit dhe temperaturat për Shqipërinë, Kosovën, Rajonin dhe pjesën tjetër të Evropës, ofruar nga agjencia NOA dhe Shërbimi Metereologjik MeteoAlb:

Shqipëria

Moti i kthjellët do të karakterizojë edhe pjesën e dytë të ditës, përjashtuar Juglindjen e vendit ku do të ketë kalime vranësirash të lehta.

Mbrëmja dhe nata do të jetë nën ndikimin e kthjellimeve në të gjithë vendin.

Temperaturat e ajrit do të pësojnë rritje me 2 - 3 gradë në Veri dhe Qendër si në vlerat e mëngjesit dhe në ato të mesditës.

Era do të fryjë e lehtë dhe mesatare me drejtim kryesisht Verior dhe shpejtësi maksimale deri 30 km/h, ndërsa në det do të gjenerohet dallgëzim i papërfillshëm.

Europa

Moti Nesër: E mërkurë, 22 korrik 2009

Brigjet Perëndimore të kontinentit Europian dhe ishujt Britanikë do të mbeten dhe nesër me vranësira të shoqëruara me shira, herë pas here në formë rrebeshi.

Po ashtu edhe një pjesë e Qendrës dhe Verilindja e kontinentit do të përfshihen nga shira të dobët dhe afatshkurtër ditën e nesërme.

Ndërsa pellgu i Mesdheut, Europa Juglindore dhe Lindore, si edhe pjesa më e madhe e Qendrës do të karakterizohen nga kthjellime dhe vranësira të lehta.

Ngjarje ekstreme në Europë:

E mërkurë, 22 korrik 2009

Greqia  alarmon për stuhi ere të fortë;

Gjermani, Hungari rrezikojnë nesër për temperatura ekstremisht të larta;

Spanja rrezikohet nga  temperatura  ekstremisht të larta dhe dallgë.

Moti Nesër: E mërkurë, 22  korrik 2009

/e.l/b.a/NOA/