Një zjarr i madh shpërtheu në një spital në kryeqytetin e Iranit, Teheran.

Sipas mediave, zjarri që përfshiu vetëm fasadën e jashtme të ndërtesës u vu shpejt nën kontroll.

Nuk pati viktima, tha zëdhënësi i Departamentit të Zjarrfikësve të Teheranit, Jalal Maleki për televizionin shtetëror, duke shtuar se shkaku i incidentit ishte nën hetim.

“Deri më tani nuk kemi marrë asnjë raport për ndonjë person të plagosur rëndë.

Zjarri ka prekur kryesisht pjesën e jashtme të godinës së spitalit,” tha ai.

Televizioni shtetëror raportoi më herët se zona përreth spitalit Gandhi në veri të Teheranit është rrethuar dhe spitali po evakuohej.