Emërimet në zyrat e administratës shtetërore ndodh shpesh që të bëhen me anë të njohjeve, por në Kosovë ka ndodhur një rast i paprecedentë.

Kryetari i Zubin Potokut, Izmir Zeqiri ka befasuar me veprimin e tij duke punësuar vajzën në këtë komunë. Mësohet se Dhurata Zeqiri është emëruar drejtoreshë e Drejtorisë së Kulturës në këtë komunë.

I pyetur nga mediat për një shpjegim për zgjedhjen e tij, ai ka thënë se emërimi i saj është bërë për shkak të mungesë së njerëzve për të formuar qeverisjen lokale.

“Kam bërë emërim kryesisht të PDK-së, por ka edhe të LDK-së që kanë dashtë të kemi emri edhe neve na duhet me marrë nuk kemi njerëz tjerë, ban vakia është familjarë i afërt se qita jemi.

Nuk është krejt në laminë e saj nashta krejt drejtoritë e saj s’kom mujt me gjetë kuadër për laminë e saj por me ia përngja diçka dhe mi ba disa emërim për me ecë disa procese”, tha ai.