Pak para fundjavës së nxehtë, bakteret e rrezikshme prishin argëtimin e kredhjes në ujë në Detin Baltik.

Gjatë kontrolleve të ujit në bregdet, vibrione u zbuluan për herë të parë këtë javë, raporton noa.al duke cituar gazetën gjermane Bild.

Të ashtuquajturat mikrobe vrasëse mund të shkaktojnë infeksione serioze – vitet e fundit madje ka pasur disa vdekje.

Zyra Shtetërore gjermane për Shëndetësi dhe Çështje Sociale (LAGuS) këtë të premte ka publikuar një paralajmërim zyrtar se pushuesit janë veçanërisht të rrezikuar, sidomos ata me sëmundje.

"Këtu përfshihen njerëz me sëmundje kronike themelore ose me një mungesë imuniteti dhe njerëz në moshë më të madhe," thanë autoritetet.

“Nëse plazhistët i përkasin këtyre grupeve të rrezikut dhe kanë lëndime të lëkurës, kontakti me detin ose ujin e njelmët duhet të shmanget”.

Në përgjithësi, shfaqja e vibrios bëhet në një temperaturë uji prej 20 gradë Celsius. Në ekzaminimet e pothuajse 500 zonave të plazheve në Detin Baltik dhe në liqenet e brendshme në Mecklenburg-Pomerania Perëndimore, laboratori ishte në gjendje të vërtetonte cilësi të shkëlqyera ose të mira të ujit në 95 përqind të tyre.

Në hartën aktuale të ujit, pushuesit mund të shohin cilësinë e klasifikuar, por aktualisht ka paralajmërime për Barther Bodden pranë bujtinës së të rinjve Barth, Hinbergsee në Kargowo dhe Lagunën Szczecin në Bellin.

Infeksione te njerëzit pas kontaktit me ujin e Detit Baltik nuk janë raportuar këtë vit. Më parë, dy infeksione të rënda të plagëve u raportuan tek autoritetet shëndetësore në rrethin e Ostvorpommern, njëra prej të cilave ishte fatale.

Vibriot në Detin Baltik (Vibrio vulnificus) mund të depërtojnë në trup përmes lëndimeve sipërfaqësore dhe të thella të lëkurës kur njerëzit lahen dhe të shkaktojnë infeksione të rënda të plagëve deri në sepsë fatale.

Por jo vetëm plazhistët janë të rrezikuar, edhe konsumatorët. Autoritetet njoftuan se ngrënia e peshqve dhe prodhimeve të tjera të kontaminuara të detit mund të çojë gjithashtu në infeksion.

Përveç infeksionit të plagës, simptomat e para mund të përfshijnë të përziera, diarre, ethe dhe të dridhura. Antibiotikët përdoren për trajtim.

Fakt është se prodhimet e detit importohen prej kulture vendeve në mbarë Evropën.

Deti Baltik është një krah i Oqeanit Atlantik që është i rrethuar nga Danimarka, Estonia, Finlanda, Gjermania, Letonia, Lituania, Polonia, Rusia, Suedia dhe Rrafshina e Evropës Veriore dhe Qendrore. Thellësia mesatare është 55 m dhe sipërfaqe 377 000 km². /noa.al