Shtetet federale kishin bërë thirrje për ndalimin prej disa kohësh. Tani është kthyer në një projekt-ligj për të plotësuar Aktin Federal për Mbrojtjen kundër Duhanit.

Ndalimi do të zbatohet për cigaret e duhanit, cigaret elektronike, produktet e duhanit me ngrohje dhe kanabisin.

Përpara se drafti të paraqitet në kabinet, Ministria e Shëndetësisë duhet të koordinohet me departamentet e tjera.

Ndalimi i pirjes së duhanit, i cili është në fuqi prej vitesh në transportin publik lokal, në Gjermani do të zbatohet edhe “në automjete të mbyllura në prani të të miturve apo grave shtatzëna”, raporton noa.al.

Ndalimi garanton "mbrojtjen e nevojshme kundër pirjes së duhanit pasiv" për "grupin veçanërisht të rrezikuar të njerëzve", sipas draftit.

Fëmijët e palindur dhe të miturit nuk mund t’i shpëtojnë barrës së veçantë që kërcënon pirja pasive e duhanit dhe janë veçanërisht të rrezikuar, thuhet në projektligj. /noa.al

SHQETËSIM PËR SHËNDETIN: Shoqata e Pediatërve kërkon ndalimin e pirjes së duhanit në shtëpi!