Elbasan- Gjykata e Elbasanit ka vendosur detyrim paraqitje per 6 numëruesit e KZAZ nr.50 në Elbasan të cilët u ndaluan për falsifikim të rezultatit të zgjedhjeve në 25 prill.
Prokurori Pertef Asllani kërkoi masë sigurie me burg për të 6 të ndaluarit nën akuzën "Falsifikimi i materialeve zgjedhore dhe i rezultatit të zgjedhjeve".
Prokurori argumentoi se nga veprimet hetimore dyshohet se këta shtetas, të cilët kanë patur si detyrë numërimin e votave, gjatë procesit zgjedhor të datës 25.04.2021, në bashkëpunim me njëri-tjetrin, kanë shënuar në tabelat e rezultatit, të dhëna të ndryshme nga ato të fletëve të votimit, me qëllim favorizimin e kandidatëve të subjekteve zgjedhore.
Por pasi ka dëgjuar palët, trupi gjykues i kryesuar nga Pajtime Fetahu ka vendosur detyrim paraqitje.
Organi i akuzës u shpreh se nuk ishte dakord me vendimin dhe se do ta apelonte.
Të ndaluar nga Prokuroria:
•Erald Karriqi, 35 vjeç, banues në Prrenjas;
•Ylli Kuka, 35 vjeç, banues në fshatin Karkavec, Prrenjas;
•Durim Alla., 49 vjeç, banues në Prrenjas;
•Erion Dashi 31 vjeç, banues në fshatin Berzeshtë, Prrenjas;
•Mili Vasku 33 vjeç, banues në fshatin Rrajcë Fushë, Prrenjas;
•Olgert Alla, 40 vjeç, banues në Prrenjas. /noa.al