Transmetuar më 03-08-2020, 09:31
Koronavirusi i ka marrë jetën një mjeku shqiptar, duke mos i mbijetuar dot komplikimeve të shkaktuara nga virusi.
Viktima mësohet se është mjeku pneumolog Anibal Byberi, i cili ka shërbyer për vite me radhë në spitalin e Tropojës.
I ndjeri ishte shtruar tek spitali Covid 2, siç njihet ish-Sanatoriumi, ose ndryshe “Shefqet Ndroqi”.
Mjeku Byberi ndodhej në intubim për shkak të gjendjes së rëndë, deri kur ndërroi jetë mbrëmjen e së dielës.
Mjeku i ndjerë 53-vjeçar, ishte shtruar me urgjencë tek Sanatoriumi, duke u futur në intubim.
Lidhur me vdekjen e tij, Ministria e Shëndetësisë nuk ka dhënë ende informacion. /a.y/noa.al