Një fëmijë 4-vjeçar Justin Foss jr., kishte vetëm një faj, ishte djali i një burri që si shumë persona të tjera në SHBA, mbante pistoletë në shtëpi në mënyrë të shkujdesur.
Për të shmangur gjetjen e armës nga djali, Justin Foss sr., 27 vjeç, i dënuar më parë për grabitje, bashkë me të shoqen patën një ide, ta fshihnin poshtë divanit.
Një zgjedhje e cila rezultoi fatale, pasi të shtunën që lamë pas vogëlushi e gjeti dhe duke lozur qëlloi veten me armë.
Ai u dërgua me shpejtësi në spital, por për shkak të plagës së marrë ndërroi jetë.
Ndërkohë babai i tij u arrestua nga policia, pikërisht prej armës që la shkujdesur.
Ngjarja ndodhi gjatë kohës që Justin ishte me motrën e tij pak më të madhe.
Mediat amerikane shkruajnë se fati i keq e deshi që të ishte 4-vjeçari, por ngjarja tragjike mund ti kishte ndodhur edhe vajzës. /a.y/noa.al