Ishte hera e dytë që ata kishin fëmijë, dhe ishin sa të shqetësuar aq edhe të lumtur njëkohësisht. Ata tashmë kishin një djalë dhe po planifikonin ardhjen e dy engjëjve të rinj në familje, pasi prisnin binjakë.

Por lumturia e Matt dhe Jodi Parry shpejt u kthye në ankth në momentin e lindjes. Një mjek e thirri çiftin në një dhomë të vogël pritjeje dhe shqiptoi dy fjalë që e përmbysën botën e tyre me kokë poshtë … “Më vjen keq.”

Prindërit Matt dhe Jodie u tronditën kur mjeku shpjegoi se vajzat e tyre binjake, të lindura para kohe, Abigail dhe Isobel, ishin diagnostikuar me sindromën Down.

Çifti tashmë kishte një djalë të vogël me emrin Finlay, por ata kishin kohë që po përpiqeshin për një fëmijë tjetër. Nëna Jodi kishte pësuar një dështim menjëherë pas lindjes së Finlay, kështu që ajo besonte se ajo ishte e përgatitur mirë për çdo gjë.

Por fjalët e mjekut e tronditën. Vajzat binjake kanë lindur herët dhe duhej të qëndronin në një njësi për kujdes intensiv për katër javë. Gjërat dukeshin të zymta.

“Atë ditë, unë nuk ndihesha si një nënë. U ndjeva vetëm e humbur dhe e hutuar. Kisha vizion të zymtë për të ardhmen. Mendova se do të ishim kujdestarë derisa të vdisnim”, shpjegoi Jodie.

Statistikisht, Abigail dhe Isabel janë fëmijë jashtëzakonisht të rrallë. Shanset për lindjen e binjakëve të cilët të dy kanë sindromin Down është një në një milion. Vajzat e vogla kanë lindur me një numër problemesh shëndetësore. Abigailja është e shurdhër në një vesh, ndërsa Isobeli lindi me një vrimë në zemrën e saj.

Natyrisht, asnjë nga këto nuk është ajo që dikush dëshiron të dëgjojë nga mjeku i tij. Shumë shpejt, Matt dhe Jodi u detyruan të përballeshin me realitetin e zymtë. Por një qenie njerëzore, pavarësisht nga vuajtjet e tij, meriton një shans të duhur në jetë. Abigail dhe Isobel janë shembuj të përsosur për këtë./b.l/noa.al/