Nga Mentor Kikia

(ose: Ne e kemi hak çdo gjë që na bëjnë)

Po e lë mënjanë faktin nëse janë apo jo fajtorë të arrestuarit në Lezhë, për tjetërsimin e rërës në plazhit në tokë bujqësore.

Kjo cështje është nën hetim.

Por di që protesta për lirimin e tyre është e paprecedentë.

Unë nuk e di nëse është apo jo fajtor Sajmir Tahiri në trafikun e drogës me grupin e Habilajve, por sërish protesta e socialistëve para Kuvendit për ti dhënë forcë atij, ishte e paprecedentë.

Ne tashmë e dimë që Elvis Rroshi ishte fajtor për mashtrim me dokumentet dhe u shkarkua si kryetar bashkie, pasi prekej nga ligji i dekriminalizimit.

Por protesta e kavajasve që marshuan disa ditë me radhë për të mbrojtur Elvis Rroshin ishte po ashtu e paprecedentë.

More njerëz, por a keni protestuar ndonjëherë, për të kërkuar që të shkojë në burg apo të shkarkohet ndonjë zyrtar i korruptuar?

E pastaj themi se e kanë fajin qeveritë.

Jo more jo, fajin e kemi ne.

Qeveritë na bëjnë shumë pak, nga sa kemi hak ne.

Qëndrimet e autorit janë personale, nuk paraqesin vijën editoriale të NOA.al