Këngëtarja Elvana Gjata flet për herë të parë lidhur me lidhjen e re të dashurisë, të cilën ka krijuar prej disa kohësh.

E ftuar këtë të shtunë në “Xing me Ermalin”, Elvana ka pranuar për herë të parë publikisht se është në një lidhje dashurie.

Gjatë intervistës në shtëpinë e këngëtares, Ermali e ngacmoi paksa duke i thënë, “Po mirë mi goc vajte 62 vjeç edhe ngele gjithë jetën beqare”.

“Mesa duket gjërat kanë ndryshuar”, iu përgjigj Elvana. “E ke parasysh kur ke një gjë të mirë dhe s’do që ta… ke frikë”, shtoi këngëtarja.

“Unë mendoj që Zoti është treguar shumë i mirë me mua, më ka sjellë një fat shumë të mirë”, u shpreh Elvana.

Sakaq Ermali e uroi: “Hajde në dasëm o Zot” dhe e pyeti: “A është familje e mirë?”

“Ah sa e bukur ishte kjo”, e përmbylli bisedën Elvana për të mos zbuluar më shumë.