Deputeti i Partisë Socialiste në qarkun e Lezhës, Pjerin Ndreu, ka zgjedhur disa vargje për të ia dedikuar mikut të tij të vrarë dy ditë më parë, Aleksandër Ndoka, njëherësh vëllai i ish-deputetit Arben Ndoka.
Përmes një postimi në rrjetet sociale Ndreu ka shprehur hidhërimin për vdekjen e Aleksandër Ndoka, i cili u vra dy ditë më parë brenda në makinën e tij.
Vargjet e Ndreut për të ndjerin:
"Miku im i shtrenjtë, lamtumirë!
Ty këtu në shpirt të kam ta dish!
Fati po na ndan sot pa mëshirë,
Po diku do të shihemi serish.
Lamtumirë, mik, pa fjalë e lotë!
Vetullat t’i ngrysësh s’ke përse,
Vdekja s’është e re në këtë botë,
As të rrosh nuk është gjë e rë. Esenin"
Kujtojmë se Aleksandër Ndoka u përcoll këtë të dielë në banesën e fundit. Ai u vra në atentat pranë shtëpisë së tij teksa ndodhej në makinë.
Ndërkohë që autorët nuk janë zbuluar ende. (e.c/noa.al)