Transmetuar më 30-11-2017, 10:06
Një automjet është përfshirë nga zjarri si pasojë e një shpërthimi të fuqishëm, pranë digës së liqenit artificial në Tiranë.
Ngjarja u shënua paraditen e sotme, ndërsa nga të dhënat paraprake nuk flitet për persona të lënduar.
Bëhet fjalë për një makinë tip “Volkswagen” me targa AA946EF, e cila ka qenë e parkuar në momentin kur ka shpërthyer.
Nuk dihen ende rrethanat e ngjarjes, ndërkohë që policia ka rrethuar zonën, duke vijuar hetimet mbi shkaqet e shpërthimit.
Paraprakisht dyshohet se shpërthimi ka qenë i qëllimshëm, me tritol.
Mësohet se mjeti ka qenë i parkuar në një rrugë dytësore, ndërkohë që po punohet për të zbuluar se kujt i përket. /a.y/noa.al