Transmetuar më 16-11-2017, 17:34
Një aksident me pasojë vdekjen e një personi është regjistruar pasditen e sotme në Fushë Krujë.
Ngjarja ka ndodhur në aksin rrugor Fushë Krujë- Vorë, ku automjeti me targë AA439LL ka përplasur për vdekje një kalimtar.
Mësohet se viktima është identifikuar si Dodë Muça rreth 65 vjeç, banues në fshatin Mallkuç të Krujës.
Si pasojë e përplasjes, 65 vjeçari ka ndërruar jetë në vendin ngjarjes për shkak të plagëve të marra, duke mos pasur mundësi për t’iu dhënë ndihma mjekësore në spital.
Policia e cila ka shkuar në vendin e ngjarjes po punon për zbardhjen e plotë të shkaqeve të aksidentit. b.l/noa.al/