Dy persona të cilët lëviznin të armatosur, janë vënë në prangat e policisë në kushtet e flagrancës.

Gjatë mbrëmjes së të mërkurës, policia e Vlorës bëri arrestimin e dy të rinjve nga Shijaku, Gerald Shera, 27 vjeç dhe Metin Vogli, 24 vjeç, banues në Shijak.

Gjatë një kontrolli të ushtruar tyre, dy të rinjve u janë gjetur në mjet dy armë zjarri tip pistoletë, një e markës “Glock” me 27 fishekë si edhe një tjetër armë zjarri “TT” me 23 fishekë me krëhërat përkatës të tyre.

Në cilësinë e provës materiale u sekuestruan armët e zjarrit tip Pistoletë, mjeti tip “Benz’” si edhe pesë aparate celular.

Ndaj të dyshuarve materialet iu referuan Prokurorisë së Vlorës, për ndjekje të mëtejshme. /a.y/noa.al