Emri i saj qëndron pas disa prej spektakleve më të suksesshme në televizionet shqiptare.

Por pasi ka bërë disa prej emrave më të njohur të showbiz-it të kërcejnë në spektaklin ‘Dance With Me’, Vera Grabocka ka vendosur se tashmë është edhe radha e saj për t’u ngjitur në skenë, ndonëse jo në trasmetim televiziv.

Në një video të publikuar nga ‘Blitz’, të xhiruar pak para fillimit të spektaklit, regjisorja e famshme shihet të ngjitet në skenë.

Gjithçka ndërkohë që moderatorja Alketa Vejsiu së bashku me koreografin Albi Nako dhe trupën e baletit po vallëzonin së bashku.

Grupit i bashkohet edhe Grabocka e cila më pas rrëmbehet nga Albi Nako për një vallëzim nën tingujt e muzikës latine.