Personi që shikoni në fotografi është viktima i cili u vra me armë zjarri mëngjesin e sotëm në Dibër.
Alban Kaloshi, i njohur ndryshe si Gëzim Kaloshi 42 vjeç me banim në fshatin Blliçe të Dibrës, u vra në rrethana të mistershme, ende pa zbardhur e premtja.
Kufomën e tij rreth orës 03.30 të mëngjesit të sotëm dy persona të paidentifikuar e çuan në urgjencën e spitalit të Dibrës, duke u larguar pa u identifikuar.
Nga këqyrja paraprake e bërë nga eksperti mjeko-ligjor, rezulton që viktima të jetë goditur me një plumb në kraharor.
Janë ende të pa qarta rrethanat e ngjarjes, ku mbetet për t’u sqaruar nëse bëhet fjalë për vrasje apo ngjarje aksidentale.
Ndërkohë nga ana e policisë janë shoqëruar disa persona që kanë qenë të shoqëruar me viktimën në orë te ndryshme të mbrëmjes së djeshme.
Për të zbuluar më shumë mbi vdekjen e 42-vjeçarit, po bëhet këqyrja e telefonit, si dhe po punohet për identifikimin dhe shoqërimin e personave që kanë çuar në spital viktimën. /a.y/noa.al