Policia e Fierit është detyruar të ndërmarrë një operacion special ndaj një hajduti serial në Mallakastër, që ishte bërë problem për banorët.
Në kuadër të operacionit "Vjedhja e fundit", ndaloi personin që ishte shpallur në kërkim, Fjoralb Muhametaj, 20 vjeç, banues në fshatin Kashë.
Policia tha se Muhametaj ishte autori i vjedhjes së një lokali në fshatin Kashë, por në bashkëpunim me shtetas të tjerë (për identifikimin dhe kapjen e të cilëve po punohet intensivisht nga shërbimet e policisë).
I riu ka vjedhur duke thyer dyert në datën 1 korrik lokalin e shtetasit F.M. Atje ka marë shumën prej 500 mijë lekësh si edhe sende të tjera që ndodheshin në lokal.
Muhametaj dyshohet si autor edhe i disa vjedhjeve të tjera në Mallakastër, për të cilat policia po punon për dokumentimin ligjor të tyre. /b.l/noa.al/