Transmetuar më 28-04-2017, 16:58
Publicitet

Ky është horoskopi për ditën e shtunë, 29 prill 2017 që Noa.al sjell për ju. Njihuni me parashikimin për punën, shëndetin dhe ndjenjat, si do ecë dita për të lindurit e çdo shenje.

Dashi 

Dita e shtunë do të jetë nga ato ditë kur do të shijoni qëndrimin me shumë njerëz, të cilët ju vlerësojnë. Mund të frekuentoni edhe ambiente të reja, por do të ndiheni më të sigurt dhe të qetë nëse jeni pranë personave të afërt. Ju që jeni në cift bëni mirë të gjeni hapësira edhe për partnerin/en apo familjarët. Shëndeti i mirë.

Demi 

Kjo nuk është koha e duhur për aktivitete që kërkojnë shumë energji dhe për të marrë vendime të rëndësishme. Por, në disa fusha ndoshta do të finalizoni çështje që i keni nisur prej kohësh. Kjo mund të jetë në fushën personale, familjare apo arsimore. Shëndeti dhe financat në gjendjen e tyre më të mirë.

Binjakët 

Në çështjet që kanë të bëjnë me partnerin/en ju do të tregoheni shumë të sjellshëm e të dashur. Nëse jeni të lindurit e qershorit, do të vini në pah aftësitë tuaja joshëse. Megjithatë këshillohet që të keni durim dhe të dini të prisni. Shëndeti do jetë pak problematik, kujdesuni për veten.

Gaforrja 

Interesat që i keni mbajtur të fshehura për shumë gjatë mund të shfaqen gjatëmkësaj të shtune. Do të ndiheni të vetëkënaqur, nëse ndodheni diku ku mund të meditoni pa praninë e askujt. Do të keni tendencën të bëni plane si krijimi i familjes, ndërtimi i një shtëpie, martesa etj. Beqarët do preferojnë ta kalojnë kohën e tyre me miqtë.

Luani 

Dita e shtunë do të jetë dita më e mirë për shëtitje, vizita miqësore, dhe çështje romantike. Kur të vendosni të shkoni diku, mos harroni të mendoni se keni nevojë për qetësinë tuaj psikologjike dhe duhet të gjeni ambientin e përshtatshëm që ua ofron këtë gjë. Shëndeti aspak shqetësues për ju.

Virgjëresha 

Nëse ndiheni në humor të mirë gjatë kësaj dite, duhet ta ndani atë me njerëzit që ju rrethojnë. Kjo do t’ju ndihmojë edhe për veten, në mënyrë që ndjesitë pozitive t’ju zgjasin sa më shumë. Në këtë mënyrë do të jeni më produktivë edhe në punë e në fusha të tjera. Financat do vijnë duke u përmirësuar.

Peshorja 

Nëse keni lindur nga mesi i tetorit, do të keni tendencën të idealizoni veten dhe ata që ju rrethojnë. Gjatë kësaj dite të shtunë çdo gjë do t’ju duket më e mirë dhe do të shihni gjithçka me sy pozitiv. Si gjendja mendore dhe ajo fizike do ju përgjigjen, ndaj mos hiqni dorë nga asgjë me të cilën do përballeni. 

Akrepi 

Edhe pse do të doni të mësoni shumë gjëra rreth partnerit/es suaj, do ta keni shumë të vështirë të merrni informacione për të. Do t’ju duhet të merrni me mend ato se çfarë ai/ajo ju lë të kuptoni. Pavarësisht dëshirës suaj për të bashkëpunuar me të, më mirë tregohuni të rezervuar. Shëndeti pak delikat.

Shigjetari 

Sot do të keni shumë bashkëveprime me miq, të afërm edhe njerëz të rastit. Shprehni mirënjohjen dhe mirësinë tuaj, ashtu siç e ndjeni ju. Çiftet do kenë një ditë të mbushur me momente të lumtura në prani të njeriut të zemrës. Financat do jenë të mira, mundësi për të shpenzuar.

Bricjapi 

Mundohuni të jeni sa më shumë pozitivë gjatë kësaj të shtune dhe jo të fokusoheni në çështjet problematike, pasi do të keni kohë edhe për to. Kolegët apo këdo që ka lidhje me punën, duhet t’i trajtoni me më shumë mirësjellje se zakonisht. Planetët do ju ndihmojnë që të bëni zgjedhjet e duhura dhe do ju ruajnë nga çdo problem.

Ujori 

Sot është dita kur do t’ju duhet të keni parasysh shumë rregulla të pashkruara, por që duhet t’i zbatoni në shoqëri. Idetë tuaja për të bërë aventura diku larg, do të tingëllojnë shumë jashtë realitetit për momentin. Kujdes me financat pasi parashikohet që të përballen me probleme të njëpasnjëshme.

Peshqit 

Mirësjellja do të jetë çelësi për të zgjidhur çdo konflikt gjatë kësaj të shtune, si në familje ashtu edhe në ambientin e punës. Taktika e mosndërhyrjes në shumë çështje dhe bashkëjetesa paqësore do të karakterizojnë ditën tuaj sot. Por, gjithashtu do të dëgjoni edhe atë që ju thotë zemra. /b.l/noa.al/