Transmetuar më 25-04-2017, 16:46
Publicitet

Ky është horoskopi për ditën e martë, 19 korrik 2016 që Noa.al sjell për ju. Dita do të jetë e mbushur me ngjarje të paparashikueshme, ndaj duhet të mendoheni mirë nëse do të merrni vendime.

Dashi 

Gjatë gjithë ditës do të ndiheni në mëdyshje mes shpresës dhe frikërave që ndjeni. Është mirë të qëndroni larg intrigave që ju rrethojnë dhe të mos inicioni vetë të tilla. Përpiquni ta kaloni ditën duke lexuar literaturën që ju përshtatet. Financat do arrini t’i mbani nën kontroll falë menaxhimit tuaj të mirë. Shëndeti paraqitet pak delikat.

Demi 

Kontaktet me miqtë tuaj gjatë fillimit të ditës së mërkurë, nuk do të ishin të këshillueshme. Sado idealistë të jeni në marrëdhëniet që vendosni, duhet të dini se realiteti është disi më ndryshe. Çiftet do kenë një ditë të qetë dhe do kalojnë momente të bukura përkrah njeriut të zemrës.

Binjakët 

Marrja e vendimeve afatgjata nuk do të ishte gjëja e duhur për ju, pasi planet tuaj mund të ndryshojnë në momentin e fundit. gabimi juaj më i vogël do ju bëjë të vuani për gjërat që nuk jeni në gjendje t’i parashikoni, si sjellja e të huajve, ose refuzimi i partnerit/es. Për shëndetin nuk keni pse shqetësoheni, parashikohet i mirë.

Gaforrja 

Për të lindurit e kësaj shenje, nuk është e këshillueshme të ndërmerrni udhëtime, takime apo vendime të rëndësishme në pjesën e parë të ditës. Mund të hasni pengesa të vështira dhe si rezultat do ta gjeni veten në një situatë pa krye. Edhe kërkimi i informacionit nuk do t’ju shërbejë. Më mirë shtyjini për më vonë planet.

Luani 

Gjysma e parë e ditës është e favorshme për finalizimin e planeve tuaja të hershme. Krahas realitetit të ashpër, do të keni shumë shpresa për realizimin e tyre. Në përfundim të ditës, çështjet familjare do të jenë ato që do të marrin përparësi. Një darkë romantike me njeriun e zemrës do e mbyllte më së mirë këtë të mërkurë.

Virgjëresha 

Këshillohet të mos merrni vendime të rëndësishme gjatë kësaj të mërkure. Në disa fusha do të mund ta kontrolloni veten, në disa të tjera do të hasni vështirësi. Përpiquni ta kufizoni pak veten dhe dëshirat tuaja nesër. 

Peshorja 

Një ide kreative ose një histori dashurie mund t’ju trokasë nesër ju të lindurve të Peshores. Mos e anashkaloni lumturinë tuaj. Disa ndryshime do të jenë të pashmangshme. Do t’ju duhet t’i mendoni dy herë disa gjëra. Kujdes me shpenzimet, në planin financiar mund të përballeni me disa probleme.

Akrepi 

Situatat e çuditshme e të paparashikuara që mund të përjetoni sot, mendojini si të përkohshme. Frymëzimi që mund të ketë kapur njerëzit përreth jush, mund të jetë jetëshkurtër. Si të dashuruarit edhe ata që janë vetëm do kalojnë një ditë të qetë, ku nuk do ndihet mungesa e dashurisë.

Shigjetari 

Gjatë kësaj të mërkure do të kuptoni se jo të gjitha problemet janë zhdukur nga horizonti, qofshin këto familjare apo personale. Bëni mirë që në të gjitha situatat të kontrolloni nervat tuaja për mos të dalë jashtë kontrollit, pasi pasojat do vuani po ju. Shëndeti do jetë i mirë, nuk do keni asnjë problem.

Bricjapi

Pjesa e parë e ditës do t’ju favorizojë në eksperimentimin e gjërave që nuk i keni provuar më parë. Nëse vazhdoni të qëndroni të varur pas mjeteve teknologjike dhe jetës virtuale, do të dëmtoni lidhjet tuaja familjare dhe pengesat e kufizimet tuaja do të mbeten po ato, nuk do të jeni në gjendje t’i tejkaloni.

Ujori 

Marrëdhëniet me njerëz shumë të ndryshëm nga ju, mund t’ju shkaktojnë shumë pikëpyetje në kokën tuaj. Ju keni të drejtën tuaj të besoni në njerëz më të cilët keni ndarë eksperienca, por mos harroni se gjërat po ndryshojnë. Një lajm i mirë që lidhet me të ardhmen do gëzojë çiftet. Kujdes me financat.

Peshqit 

Kjo e mërkurë, nuk do të jetë nga ato ditët e lehta për ju. Këshillohet të shmangni projektet e reja. Nëse keni lindur nga mesi i dhjetorit, do të përjetoni disa ndjesi të pakëndshme gjatë ditës. b.l/noa.al/